قصيدة(نزف الحنين)موجهة مني إلى:الشاعرةالدكتورة/هندالشرامي)وردها........عليّا.......إليكم...... :
ياهاجسي وصل لهند الشرامي
أبيات فيها إحساس من نبض شاعر
خصص بذكر الشاعره في كلامي
أبيات تشكو من حنين المشاعر
وقل لها ماني برامي سهامي
إلا على اللي باعني بيع غادر
باع المشاعر باع روضة غرامي
خان العهود واحرق بنود الضماير
سهران طول الليل مااعرف منامي
ودمعي سيول وأمطار وسط المحاجر
دمعي روى قلبي وقد كان ظامي
وسبحان من قد فك لي سحر ساحر
نست بأني كنت اقول بس نامي
بحمل همومش كلها والمخاطر
ومن بعد قد قررت بعلن صيامي
وأكتب نصايح بالدماء والمساطر
هاتي جوابش كيف قصة هيامي؟؟
ومن خان قلب الحُب لاشك كافر !!
¤■¤■¤■اااا■اااا■¤■¤■¤
✏ الشاعـــــر/ محمدالنزيلـــــــي
¤■¤■¤■اااا■اااا■¤■¤■¤
#الجوااااااااااب :
أسعد مكان لاالجو رايق تمامي
نستنشق الأبيات من بحر زاخر
إبن النزيلي فخر نسل الكرامي
شاعر حروفه خلّت العقل حاير
قولك وصلني مثل حد ألحسامي
أجراح فوق أجراح باطن وظاهر
نحو الأمل لآحت شجوني مقامي
ألقي بنظرة للسماء والمناظر
من حبّ يُرهق يا الأديب ألهمامي
لازم يضحّي يلتقي حظ وافر
ياللأسف من ذا الغبي والحرامي
اللي نهب قلبك وخلاه مُصادر
الطيب ماهو من صفات اللئامي
والخدع ماهو من صفات كل شاطر
والسِعد لي وقّع وغاية مرامي
ألقى السعاده ياسلا كل خاطر
خُذ من زمانك تجربه كون رامي
حقق طموحك لاتكُن شخص عاثر
وان غدر بك لك جزيل إحترامي
سيبه على جنب إنتبه لا تغامر
مهما يكون الجُرح ساذج ودامي
حط الدواء وقته وضيف المشاقر.
ألشاعرة/هند الشريمي